Categories: Archivio, PSA

Condividi

Categories: Archivio, PSA

Condividi

Pagu tempus a como unos cantos cunzizeris rezionales ant presentadu una Proposta de leze pro abalorare sa suinicoltura sarda cun s’idea de dare unu benidore a unu traballu chi in Sardinna s’est sèmpere costumadu e chi at rapresentadu unu elementu siat alimentare chi econòmicu de importu, ma chi finas a como, finas si at potentzialidades mannas meda, non ant abaloradu.

Antis in sos ùrtimos 40 annos, mascamente pro more de sa Peste suina africana (PSA), chi in Sardinna b’est dae su 1978, sa suinicoltura sarda non solu no est crèschida, ma antis at minimadu su nùmeru de sos pegos, chi in su 1976 fiant pagu prus o mancu 300.000 e oe sunt apenas 170.000.

Su chi ant fatu finas a como non est bastadu mascamente pro sa dificultade a cuntrastare s’allevamentu illegale e su pàsculu bradu.

Pro garantire unu tempus benidore a sos porcarzos cheret a bìnchere a sa PSA.

In sos ùrtimos tempos sa nàschida de s’Unidade de prozetu chi coordinat sas atividades contra a PSA, su Pranu istraordinàriu de eradicatzione, su cuntrastu a sas pràticas illegales e s’atividade de informatzione de Confagricoltura Sardinna in totu su territòriu rezionale ant contribuidu a fàghere minimare sa maladia.

A prus de custu su cambiu de mentalidade de sos porcarzos est permitinde de pesare porcos cun critèrios modernos sena rinuntziare a sas pràticas de su connotu cun sos allevamentos semibrados tancados.

Unu puntorzu pro si regularizzare est finas sa Misura 14 – Benessere animale, de su PSR Sardinna 2014-2020 chi como pertocat finas sos porcos (e finas bùvulos) e non petzi berveghes e cabras.

Totu custu galu non bastat, bisonzat finas una polìtica de abaloramentu de sa filiera e custa Proposta de Leze podet èssere sa solutzione zusta ca non solu previdit unas cantas propostas pro sanare sas situatziones de irregularidade, ma finas propostas pro fraigare cunditziones cumertziales prus favorèvoles e punnare a sas produtziones chi si distinghent pro sa calidade e sa tipitzidade. Pro fàghere torrare a mòere custu setore cheret difatis a abalorae su porcu de ratza sarda chi podet trainare totu sa filiera comente est zai capitadu in Ispanna, inue a pustis de 35 annos ch’ant eliminadu sa PSA abalorande sas produtziones de porcos autòctonos. Custu at permìtidu non solu de binchere a sa PSA ma de fàghere crèschere s’economia de totu su setore. So presutos ispannolos oje sut connotos e carculados comente sos menzus de su mundu, finas si prus pagu de su 10% ebia de sa produtzione totale est de presutos de Cerdo Iberico autòctonu.

Duncas petzi eliminande sa PSA si podet torrare a fàghere mòere s‘allevamentu de sos porcos in Sardinna.

Notizie correlate

Vedi tutte
  • Leggi tutto
  • Leggi tutto
  • Leggi tutto
  • Leggi tutto